OMAR I alias Homar

OMAR I alias Homar

item Hamar, Arabum seu Saracenorum Calipha II. suceessor Abubecheris, qui, Mahomete generô mortuô, summam rerum ad se traxerat: Bozrâ captâ, Heraclii Imperatoris copias vicit, A. C. 635. Damascum (Caliphatûs sedem mox factam) et Phoeniciam subegit, Hierosolymam et Antiochiam expugnavit: Aegyptum sub tributum redegit, A. C. 636. Eius Ducum alter Muhavia, Hormisdâ Rege Persarum victô,

regnum Persarum occupavit, A. C. 639. Guil. Tyr. l. 1. c. 2. etc. Huic Omaro, ut filiam Eudoxiam desponderet Heraclius, suasit Cyrus Patriarcha sed suô malô. Niceph. Interemptus tandem a servo, in templo Hierosolymae structo, successorem habuit Osmanem seu Ottomannum, A. C. 644. Zonar. tom. 3. Cedrenus etc.